Франко Неро: “Кино эркинлик бор жойда ривожланади”
Айни кунларда Тошкентда “Ипак йўли дурдонаси” кинофестивали бўлиб ўтмоқда. Хорижий кинорежиссёр ва продюсерлар, актёр, актирисалар кинофестиваль ҳақида ўзларининг илиқ фикрларини билдирди.
Шулардан бири италиялик актёр Франко Неро шундай дейди:
— Кино эркинлик бор жойдагина ривожланади. Бу соҳани кузатадиган бўлсак, ривожланган давлатлар ҳар томонлама анча ўзиб кетган. Мазкур кинофестиваль ҳам ўйлайманки, Ўзбекистон учун яхши ва янги марраларни олиб келади. Тошкент Халқаро кинофестивалида қатнашаётганимдан хурсандман.
Ўйлаб қарасак фестивални ўтказишдан мақсад ҳам дўстона алоқаларни ривожлантиришдир. Фестиваль давом этяпти. Киноижодкорларга омад тилайман!
Маълумот ўрнида, Тошкент халқаро кинофестивали 3 октябргача давом этади.
Эслатиб ўтамиз, кинофестиваль бош ҳомийси: AGMK, NGMK va “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Аввалроқ Беларусь киноси кунлари бошлангани, Ипак йўлининг нодир дурдонаси қалбларни бирлаштиргани ҳақида хабар берилганди.
Чўлпоной Аҳмедова
