Жанубий Америка глобал қурғоқчиликни бошдан кечирмоқда
Жанубий Америка глобал қурғоқчиликни бошдан кечирмоқда. Бу ҳақда “BBC” хабар берди.
Қайд этилишича, минтақадаги энг йирик сув йўлларидан бири — Парана сув тизими хавф остида қолган. Бразилия, Парагвай ва Аргентина аҳолисининг сув таъминоти айнан унга боғлиқ.
Қурғоқчилик Амазонка шимолидаги ўрмонларни ҳам хавф остида қолдирмоқда.
Мутахассислар ёмғир ёғмагани учун Амазонка ўрмонлари ва Пантанал ботқоқликларида кучли ёнғин келиб чиқишидан хавотирда. Бундан ташқари Бразилиянинг агросаноат мажмуаси ва энергетикаси ҳам қурғоқчиликдан азият чекади, чунки мамлакат кўп жиҳатдан гидроэлектростанцияларга таянади.
Бу йил ёзда Боливияда мамлакатнинг иккинчи йирик кўли Поопо бутунлай қуриб қолган эди.
Бундан аввал БМТ экспертлари агар ҳарорат кўтарилиши тўхтамаса, сайёрамиз таниб бўлмас даражада ўзгариб кетиши тўғрисида фикр билдиргани ҳақида хабар берилган эди.
Насиба Тўхтаева
