Европада газ нархи сунъий омиллар туфайли кескин ошмоқда — Матеуш Моравецкий
Бу ҳақда Польша бош вазири Матеуш Моравецкий Словенияда ташкил этилган Европа Иттифоқининг норасмий форумида айтиб ўтди.
“Энергия нархи асосан Россиянинг “Газпром” компанияси ҳаракатлари туфайли шаклланмоқда. Бугун газ нархи аввал кузатилмаган даражада ошиб кетди. Биз бундан огоҳлантиргандик”, –– деган Моравецкий. Польша бош вазири, шунингдек, “Газпром”ни Россиянинг энергетика сиёсатига таъсир ўтказадиган воситаси деб атаган. Шунингдек, ЕИнинг яқин кунларда ўтказиладиган саммитида энергетикка билан боғлиқ вазият батафсил муҳокама қилиниши маълум қилинди.
Европада газ нархи ўсишда давом этмоқда. Ҳозирда минг кубометр газ нархи 1900 АҚШ долларига етган. Европа Иттифоқининг энергетика бўйича комиссари Кадри Симсон газ нархи фақат 2022 йил баҳорига келиб пасайишини айтган.
Бундан аввал АҚШ давлат департаменти қишда Европада газ нархи ошишидан огоҳлантирганди.
Жаҳонгир Қўзиев
