ЖССТ Шимолий Кореяга коронавирусга қарши курашиш учун дори-дармон жўнатди
Жаҳон соғлиқни сақлаш ташкилоти Хитойнинг Далиан порти орқали Корея Халқ Демократик Республикасига CОВИД-19 билан курашиш учун дориларни юборишни бошлади. Бу ҳақда “Yophan” агентлиги ЖССТ ҳисоботига таяниб хабар берди.
Лекин ҳисоботда Шимолий Кореяга қачон ва қандай тиббий буюмлар юборилгани аниқ кўрсатилмаган. Хитойда коронавирус тарқалишидан сўнг, Пхеньян чегарадаги назоратни кучайтирди ва июль ойида Шимолий Кореянинг Нампо порти билан боғлайдиган асосий юк ташиш йўлини ёпди.
КХДР мамлакат "коронавирусдан холи" деб даъво қилишда давом этмоқда. ЖССТ маълумотларига кўра, Шимолий Кореянинг 40 минг 700 нафар фуқароси коронавирус учун синовдан ўтган. 2021 йил 23 сентябрь ҳолатига кўра, COVID-19 билан касалланган бирорта ҳам ҳолат қайд этилмаган.
Бундан аввал Шимолий ва Жанубий Корея ҳарбийлар учун ишонч телефони ва алоҳида алоқа канали орқали алоқаларни тиклагани ҳақида хабар берилганди.
Насиба Тўхтаева
