Ўзбекистон янги йил байрамларини нишонлаш учун энг жозибали 5 та давлат қаторига киритилди
Польшанинг “Gazeta.pl” нашри Ўзбекистонни янги йил саёҳатини ўтказиш учун бешта энг яхши мамлакатлар рўйхатига киритди.
Қизиғи, мамлакатимиз Франция, Германия, Швейцария ва яна кўплаб давлатларни ортда қолдирган ҳолда, санаб ўтилган бешликнинг 3-ўринини қайд этган. Полша нашрининг таъкидлашича, 1- ва 2-ўринларда Швеция ва Австрия жой олган.
Шунингдек, мақолада Ўзбекистон "Шарқнинг гавҳари", Осиёнинг энг машҳур туризм ўлкаларидан бири эканлигига ҳам урғу берилган.
Аввалроқ Қўқон Туркий кенгашнинг илк туризм пойтахти деб эълон қилингани, Олимпия қишлоғида Ўзбекистон байроғи кўтарилгани ҳамда Жаҳон мусулмонлари саёҳати индекси рейтингида Ўзбекистон 16-ўринни эгаллагани ҳақида хабар берилганди.
Оламгир Абдиев
