Ўзбекистон киберхавфсизлик индекси бўйича халқаро рейтингда 70-ўринни эгаллади
Маълумотларга кўра, глобал киберхавфсизлик индекси бўйича халқаро рейтинг натижалари маълум бўлди.
Унда Ўзбекистон 70-ўринни эгаллади. Мамлакат индекси максимал 100 баллдан 71,11 баллни ташкил этган.
Индекс бешта асосий йўналиш бўйича 82 та саволни бирлаштиради, уларнинг ҳар бири учун 20 балл берилади. Улар:
– қонуний ўлчовлар;
– техник ўлчовлар;
– ташкилий ўлчовлар;
– имкониятларни ривожлантириш;
– ҳамкорлик ўлчовлари.
Ўзбекистон мазкур рейтингда “қонуний ўлчовлар” йўналишида энг кўп – 19,27 балл, “ташкилий ўлчовлар” йўналиши бўйича эса энг паст – 10,05 балл олган.
Шунингдек, “техник ўлчовлар” йўналиши учун 12,56 балл, “имкониятларни ривожлантириш” йўналиши учун — 15,68 ва “ҳамкорлик ўлчовлари” йўналиши учун — 13,56 балл олинди.
Марказий Осиё давлатлари орасида киберхавфсизлик бўйича Ўзбекистон Қозоғистондан кейин иккинчи ўринда, яъни 31-ўрин. Қирғизистон 92-ўринни, Тожикистон 138-ўринни, Туркманистон 144-ўринни эгаллади.
АҚШ (100 балл), Буюк Британия ва Саудия Арабистони (ҳар бири 99,54 балл), Эстония (99,48 балл) ва Жанубий Корея (98,52 балл) рейтингда биринчи ўринда. Рейтингдаги сўнгги ўринда Шимолий Корея (1,35 балл) қайд этилган.
Эслатиб ўтамиз, аввалроқ кейинги глобал уруш кибермаконда бўлиши мумкинлиги ҳамда Буюк Британия ўзига зарар етказган давлатларга қарши киберҳужумлар уюштиришни маълум қилгани ҳақида хабар берилганди.
Чўлпоной Аҳмедова
