35 йил темир бочка ичида яшаган аёл қариялар уйига боришни рад этди
Маълум бўлишича, 64 ёшли омсклик аёл 35 йил занглаган бочкада сувсиз, иситишсиз ва ёруғликсиз яшаган. Аёл ҳарбий заводда кран оператори бўлиб ишлаган ва уй учун навбат кутган.
Шунингдек, 1986 йилда касаба уюшмаси қўмитаси хоналар сонини қисқартириш мақсадида унга ётоқхонадан бочкага ўтишни тавсия қилади. Кейинчалик завод ёпилади ва ҳеч қандай уй-жой берилмайди.
Ушбу ҳолат бўйича, Россия Федерацияси Тергов қўмитаси раиси Александр Бастрикин аниқлик киритишни топширди.
Россия Федерацияси Тергов қўмитасининг Омск вилояти бўйича тергов бўлими бошлиғи Олег Евгениевич Винников Омск “РИА Новости” агентлиги вакилига вазиятдан хабардор эканини айтди.
Унинг сўзларига кўра, маъмурият мутахассислари апрель, сентябрь ва октябрь ойларида унга бир неча бор геронтологик (Қариялар уйи) марказига кўчишни таклиф қилди. Аммо аёл таклифни рад этган.
Шу билан бирга, яқин бир ой ичида аёлга қариялар уйига рўйхатдан ўтишга хат юборилган. Аммо аёл қўлда ёзилган рад жавоби нусхасини маъмуриятга юборди.
Маълумот ўрнида: 28 сентябрь куни иқтисодий масалаларга бағишланган йиғилишда Россия президенти Владимир Путин русларни фавқулодда уйлардан кўчиришни тезлаштиришга чақирди.
Бундан аввал Россиянинг Ульяновск вилоятидаги уйлардан бирида беш ва уч ёшли болалар бир неча кун ёлғиз қолгани аниқланганди.
Чўлпоной Аҳмедова
