Электр, иссиқлик ва газ тармоқларига ўзбошимчалик билан уланганлик учун жарима қўлланилади
Амалдаги қонунчиликка кўра, умумий фойдаланишдаги электр, иссиқлик, газ тармоқларига ўзбошимчалик билан уланиш ёки улардан фойдаланиш қоидаларини бузган шахсга янги жарима миқдори белгиланди.
Шунингдек, электр, иссиқлик энергияси, табиий газни ҳисобга олиш асбоблари, шу жумладан, уларнинг пломбаларига қасддан шикаст етказиш ёки бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш ҳам жарима тўлашга асос бўлади.
Унга кўра, бундай қоидабузарлик:
➖ фуқароларга БҲМнинг 10 бараваридан 15 бараваригача (2 миллион 700 минг сўмдан 4 миллион 50 минг сўмгача);
➖ мансабдор шахсларга эса 20 бараваридан 25 бараваригача (5 миллион 400 минг сўмдан 6 миллион 750 минг сўмгача) миқдорда жарима солишга сабаб бўлади.
Эслатиб ўтамиз, бундан аввал Самарқандда газ ўчирилиши натижасида йўлни тўсган аёллар жавобгарликка тортилгани ҳақида хабар берилганди.
Чўлпоной Аҳмедова
