Париж мэри Франция президентлигига расмий номзод бўлди

 

"Euronews" xaбарига кўра, партиядошларининг 70 фоиздан кўпроғи уни қўллаб-қувватлаган. Идалго Франция пойтахтини бошқарган биринчи аёл саналади. У республика президентига айланиш имкониятига эга эканига амин.

 

"Мен партиямиз вакили бўлганимдан ғурурланаман. Бундан ташқари, мен аёлман ва французларнинг овозини ифодалайман. Биз биргаликда альтернатив яратамиз”, — дейди Франция президентлигига номзод Анн Идалго.

 

Бироқ ҳозирча унинг рейтинги паст — сўров натижаларига кўра, 9 фоиз. Таҳлилчилар фикрига кўра, у рақибларидан иккинчи босқичда ўзиб кетиши мумкин. Аммо унинг финалда учрашиши кутилаётган ҳозирги давлат раҳбари Эммануэль Макрон ва Ўнг қанот юлдузи партияси вакили Эрик Земмур каби кучли рақиблари бор.  

 

Аввалроқ Франция собиқ президенти Николя Саркози уй қамоғига ҳукм қилингани ҳамда Франция ўз тарихида илк бор Вашингтон ва Канберрадаги элчиларини чақириб олгани ҳақида хабар берилганди.

 

Насиба Тўхтаева