Индонезияда тимсоҳ 8 ёшли қизни еб қўйди
Индонезиянинг Буру ороли яқинида тимсоҳ 8 ёшли қизга ҳужум қилиб, дўстлари кўз олдида уни еб қўйди. Бу ҳақда "Newsweek" нашри хабар тарқатди.
Маълум қилинишича, судралувчи қизчага дўстлари билан дарёда чўмилаётган пайтда ҳужум қилган. Бошқа болалар сувдан тез чиқиб кетишга улгурган. Шу боис жароҳат олмаган.
Маҳаллий аҳоли вакиллари воқеа жойига етиб келди ва қизчанинг бошини чайнаётган йиртқичга найза билан зарба берди.
Қайд этилишича, болалар сузаётган дарё тимсоҳларга тўла бўлган.
Бундан аввал Ҳиндистонда эркак хотинининг тўшагига кобра ташлаб ўлдирдгани ҳақида хабaр берилган эди.
Насиба Тўхтаева
