Туркияда Фатҳулла Гулен билан алоқадорликда гумонланган юздан ортиқ ҳарбийлар қамоққа олинди
Анқара прокуратураси 123 ҳарбийни қамоққа олишга ордер берди. Улар Фатҳулла Гулен билан алоқадорликда гумонланмоқда.
Туркия ҳукумати Фатҳулла Гулен ва унинг FETO ташкилотини 2016 йил июлида давлат тўнтаришига уринишда айблайди. 123 ҳарбий ҳам FETO билан ҳамкорлик қилган бўлиши мумкин. Уларнинг орасида ҳарбий билим юртларининг 50 нафар курсантлари ҳам бор. Туркиянинг жами 18 вилоятида қўлга олиш ишлари бошланган.
Маълумот ўрнида: 2016 йилдаги муваффақиятсиз ҳарбий тўнтаришдан кейин Туркияда жами 80 минг киши қамоққа олинган, 150 минг нафар давлат хизматчиси ишдан четлатилган. Фатҳулла Гулен тўнтариш пайтида АҚШда бўлган. У барча айбловларни рад этиб келмоқда.
Бундан аввал Туркия Украина ва Грузиянинг НАТОга интилишини қўллаб-қувватлашини ҳамда Эрдўған “Толибон” ҳукумати ҳақида фикр билдиргани хабар қилинганди.
Жаҳонгир Қўзиев
