Ковид-марказларда қанча бемор сайловларда иштирок этди?
Cанитария-эпидемиология осойишталик агентлиги директори жавоб беради.
24 октябрь куни Марказий сайлов комиссияси матбуот марказида санитария-эпидемиология осойишталик агентлиги директори Баҳодир Юсупалиев иштирокида матбуот анжумани бўлиб ўтди. Унда сайлов жараёнида мавжуд эпидемиологик вазиятни ҳисобга олган ҳолда амалга оширилган ишлар юзасидан ҳисобот берилди.
Баҳодир Юсупалиевнинг маълум қилишича, сайлов участкаларига 21 мингдан зиёд тиббиёт ходимлари жалб қилинган. Бутун Республика бўйича бугун 53 кишининг тана ҳарорати кўтарилгани аниқланди ва улар дарҳол изоляция хонасига олинди. Шунингдек, Ўзбекистондаги ковид-марказларда даволанаётган 3 мингдан зиёд сайловчиларнинг ҳам сайловда иштироки таъминланди.
Бундан ташқари 120 шифохонада сайлов участкалари ташкил этилиб, у ердаги бемор ва тиббиёт ходимлари овоз беришига имконият яратилди.
Аввалроқ МСК матбуот марказида Бош прокурор иштирокида матбуот анжумани бўлгани хабар қилинганди.
Жаҳонгир Қўзиев
