Бола арғимчоқ учаман деб бармоғидан айрилди
Бугун Одессада кўп қаватли уйларнинг ҳовлисида қурилган арғимчоқларнинг бирида 4 ёшли боланинг бармоқлари арғимчоқ сабаб узилиб тушди.
Она ўғлини арғимчоқнинг тепа қисмига ўтказган ўзи эса паст қисмидан тутиб қолиш учун айланиб ўтган. Бу вақт бола арғимчоқнинг икки томонини ушлаб пастга учиб тушаётган вақтида арғимчоқ четидаги очиқ тешикчага бармоғи кириб қолган ва юпқа метал бармоғининг яримини кесиб кетган. Онаси ваҳима ичида фарзандининг тешикчада қолиб кетган бармоқчасини ололмай шифохонага югуриб кетган.
Суриштирув давомида арғимчоқ талаб даражасида қурилмагани, сифатсиз юпқа металдан фойдаланилгани маълум бўлди. Арғимчоқнинг асосий ва ён қисмлари тўлиқ пайвандланмаган. Шу сабаб, пайвандланмай қолган очиқ жойига боланинг бармоқлари кириб қолиб узилиб кетган.
Шифокорларнинг айтишича, боланинг чап қўлидаги иккинчи бармоғи ампутация қилинган. Ҳозирда аҳволи қониқарли.
Мазкур ҳолат юзасидан суриштирув ишлари давом этмоқда.
Бундан аввал Россиялик аёл деразадан тушиб кетаётган 1,5 ёшли болани ушлаб олгани ва ҳамда Қашқадарёда 2 ёшли ўғлини уриб, кўзини кўр қилган ота билан боғлиқ ҳолат юзасидан текширув ўтказилгани ҳақида хабар берилганди.
Муножат Валиева
