2020 йилда Яқин Шарқда 493 та қатл ҳолати қайд этилган — БМТ
Эронда 2020 йилда яширинча 250 киши қатл қилинган. Уларнинг 4 нафари вояга етмаган жиноятчи болалар бўлган.
"2021 йил бошидан ҳозирги кунга қадар 230 та қатл амалга оширилган бўлиб, шундан 9 нафар аёл ва 1 бола яширинча қатл этилган", — дея таъкидлади БМТнинг Эрондаги инсон ҳуқуқлари бўйича мустақил терговчиси Жаваид Реҳман.
Жаваид Реҳман БМТ Бош Ассамблеясининг инсон ҳуқуқлари қўмитасига Эрон ўлим жазосини “қўрқинчли даражада” қўллашда давом этаётгани ва қатллар бўйича расмий статистик маълумотлар йўқ қилинаётгани ҳақида таъкидлаган.
Халқаро Амнистия ташкилоти ҳисоботига кўра, 2020 йилда Яқин Шарқдаги 493 та қатл ҳолатининг ярмидан кўпи Эронда рўй берган. Ундан кейинги ўринлардан эса Миср, Ироқ ва Саудия Арабистони жой олган.
Реҳманнинг таъкидлашича, Эрон ҳукумати томонидан ўлим жазосини қўллаш хавотирли даражада қолмоқда. Реҳман ўз ҳисоботида Эрон ўлим жазосини “миллий хавфсизликни бузишда шубҳали айбловлар” билан оқлашини, мамлакат суд тизимида камчиликлари борлиги, бу ерда ҳатто “энг оддий хавфсизлик чоралари ҳам кўрилмагани”ни қайд этган.
Эслатиб ўтамиз, бундан аввал Эрондаги қамоқхоналарнинг бирида маҳбуслар таҳқирлангани акс этган тасвирлар тарқалгани ҳамда Эрон ядро қуролига эга бўлиши мумкинлиги ҳақида Исроил Мудофаа вазири Бенри Ганц маълум қилгани ҳақида хабарлар берилганди.
Чўлпоной Аҳмедова
