Ўзбекистон фуқаролари Россияга кирган кундан бошлаб 15 кун ичида рўйхатдан ўтиш заруратидан озод этилиши мумкин
Россия Федерацияси Ички ишлар вазирлиги томонидан ишлаб чиқилган Россия ва Ўзбекистон ўртасидаги келишувни ратификация қилиш тўғрисидаги қонун лойиҳаси кўриб чиқилмоқда.
Унга биноан, икки давлат фуқаролари ўзаро мамлакатлар ҳудудига кирган кундан бошлаб 15 кун ичида рўйхатдан ўтиш заруратидан озод этилиши кўзда тутилмоқда. Олдинлари Россия ҳудудига кирган Ўзбекистон фуқаролари 15 кун ичида рўйхатдан ўтиши шарт этиб белгиланган эди.
Эслатиб ўтамиз, Россия Федерасияси фуқароларининг Ўзбекистон Республикаси ҳудудида ва Ўзбекистон Республикаси фуқароларининг Россия Федерасияси ҳудудида бўлиш тартиби тўғрисидаги ҳукуматлараро келишув 21 май куни Москвада 17 июнда эса Тошкентда имзоланган.
Бундан аввал 141 нафар ўзбекистонлик Россиядаги космодром яқинида ишлаш учун жўнаб кетгани, Россия Ўзбекистоннинг 150 минг фуқаросига мамлакатга киришга қўйилган тақиқни олиб ташлагани ҳамда Президент меҳнат миграциясига оид қарор имзолагани ҳақида хабар берилганди.
Оламгир Абдиев
