Жозеф Байден жаҳон ҳамжамиятидан узр сўради
Бунга Дональд Трампнинг бир қарори сабаб бўлган.
АҚШ Президенти Жозеф Байден Дональд Трампнинг бир ҳаракати туфайли жаҳон ҳамжамиятидан узр сўради. Бу ҳақда “РИА Новости” хабар берди.
Маълумки, Дональд Трамп президентлиги даврида АҚШ иқлим бўйича Париж келишувидан чиқиб кетган эди.
“Ўйлашимча, мен узр сўрашим шарт эмас, аммо АҚШ ўтган ҳукумат даври (Трамп) да Париж келишувидан чиқиб кетгани учун кечирим сўрайман”, – деган Байден Глазгода бўлиб ўтаётган иқлим конференциясида.
Трамп 2017 йилда Вашингтон келишувдан чиқишини эълон қилган. Жозеф Байден эса 2020 йил, инаугурациядан кейин дарҳол Париж шартномасига қайтиш тўғрисида қарор имзолаган.
Аввалроқ Борис Жонсон иқлим ўзгариши ҳалокатли нуқтага етиб келганини айтганди. Шунингдек, иқлим ўзгариши туфайли Ерда ҳаёт кечириш чидаб бўлмас даражага келиши хабар қилинганди.
Жаҳонгир Қўзиев
