Буюк Британия бош вазири Борис Жонсон сайёрадаги иқлим ҳолатини Жеймс Бонд доимий тушадиган хавфли ва қийин вазият билан қиёслади. Бу ҳақда сиёсатчи Глазгодаги иқлим масалаларига бағишланган саммит очилишида айтган.
Ҳозирда биз — дунё етакчилари Жеймс Бонд билан бир хил вазиятдамиз. Фожиа шундаки, бу кино эмас, балки ҳақиқий ҳалокат машинасидир, — деган Британия бош вазири.
Унинг қўшимча қилишича, инсоният қадимдан иқлим ўзгариши масалаларини кейинга қолдириб келган. "Ярим тунга бир дақиқа қолди, биз ҳаракат қилишимиз керак", — дея қайд этди Жонсон.
Бош вазирнинг фикрича, кўмир, автомобиллар, пул ва молиялаш бўйича мулоқотлардан аниқ ҳаракатларга ўтиш даври келди.
Бизга янги умид ва мақсадлар қанчалик қадрли бўлмасин, керак эмас. Аммо бизга аниқ мажбуриятлар ва уларни бажариш муддатлари зарур. Иқлим ўзгаришига доир муносабатларимизда биз осмондан тушишимиз керак, — деган Жонсон.
Бундан аввал иқлим ўзгариши туфайли Ерда ҳаёт чидаб бўлмас даражага етиши хабар қилинганди.