Байден Глазгода зерикканидан ухлаб қолган — Трамп
Трамп бу сафар ҳам АҚШ президентини "аяб ўтирмади".
АҚШ президенти Жозеф Байден Глазгодаги иқлим масалаларига бағишланган саммитда ухлаб қолгани кўплаб муҳокамаларга сабаб бўлди. Бу жараёндан унинг ашаддий танқидчиларидан бири, АҚШ собиқ президенти Дональд Трамп ҳам четда қолмади.
Трамнинг фикрича, Байден зерикканидан ухлаб қолган.
"Байден Глобал иқлим исиши унинг учун энг катта муаммо эканини эълон қилиб Европага борди. Кейин эса бутун дунё кўзи олдида тезда ухлаб қолди. Кимнинг қизиқиши ва масалага ишончи бўлса, у ҳеч қачон мудроққа кетмайди",— деган Трамп.
Бу собиқ президентнинг Байденни ухлаб қолгани учун биринчи марта танқид қилиши эмас. Хусусан, АҚШ етакчисининг Путин билан учрашуви олдидан ҳам у Байденга "учрашув давомида ухлаб қолмаслик"ни тилаган эди.
Бундан аввал Байден Трампнинг иқлим бўйича Париж келишувидан чиқиб кетгани учун бутун дунёдан узр сўраганди. Шунингдек, Зеленский Байден билан учрашув давомида ухлаб қолганди.
Жаҳонгир Қўзиев
