Ҳар қанча катта бизнеслари бўлмасин, Трамп Путинга ҳавас қилади
Трампнинг собиқ маслаҳатчиси Путин мамлакатни шахсий бизнеси каби бошқаришини маълум қилган.
Дональд Трампнинг Россия масалалари бўйича маслаҳатчиси бўлиб ишлаган Фиана Хилл собиқ президент Владимир Путинга ҳавас қилганини маълум қилди. Сиёсатчи бу ҳақда BBCга берган интервьюсида гапирган.
Унинг сўзларига кўра, Трампни Россия президентининг бошқарувчилик қобилияти қойил қолдирган.
“У Россия президенти каби етакчи бўлишни истаган. Трамп Путинни жуда қудратли лидер деб ҳисобларди. Унинг фикрича, Путин мамлакатни худди шахсий бизнесни бошқаргандек бошқарган”, – деган Хилл.
Собиқ маслаҳатчи Трамп ҳам АҚШни худди Россия президенти каби бошқаришни хоҳлаганини айтган.
Фиана Хилл 2017-2019 йилларда Трамп администрациясида ишлаган. У Россия бўйича етакчи экспертлардан саналади.
Бундан аввал Жозеф Байден Трампнинг иқлим бўйича Париж келишувидан чиқиб кетгани учун дунё ҳамжамиятидан узр сўраганди. Шунингдек, Трамп Байденни "Шимолий оқим-2" газ қувури ишга туширилишида айблаганди.
Жаҳонгир Қўзиев
