Трамп Байденни "Шимолий оқим-2" газ қувури ишга туширилишида айблади
АҚШ собиқ президенти Дональд Трамп Жозеф Байденни “Шимолий оқим-2” газ қувури туфайли танқид қилди.Бу ҳақда собиқ президент Fox News телеканалидаги чиқишида айтган.
"Мен Россиядан Европага кетадиган қувурларни ёпгандим. Кейин эса Байден президент бўлди ва унинг қилган ишларидан биринчиси бу қувурларни очиш бўлди”, – деган Трамп.
У Американинг Keystone XL Pipeline газ қувурини ёпилгани, лекин дунёдаги энг катта қувур “Шимолий оқим-2” очилишига имкон берилганига алоҳида тўхталди.
Маълумот ўрнида: “Шимолий оқим-2” (“Nord stream-2”) Россия ва Германия ўртасидаги Болтиқ денгизи тубидан ўтган магистрал газ қувури бўлиб, узунлиги 1 234 кмни ташкил қилади. Қурилишишлари 2016 йилда бошланган бўлиб, 2021 йилда якунланиши мўлжалланган. Ушбу ноёб лойиҳада қувурлар тўлиқ денгиз тубидан ўтади ва Россия, Финляндия, Швеция, Дания ва Германия ҳудудий сувларига ётқизилади.
Ўтган ойда бу лойиҳанинг қурилиши якунланди. Аммо ҳалигача газ экспорти йўлга қўйилгани йўқ. Европанинг бир қатор давлатлари ва АҚШ “Шимолий оқим-2”га қаршилик қилиб келади.
Бундан аввал Жозеф Байден Россияга нисбатан қатъиятсизликда айблангани ҳамда Владимир Зеленский Байден билан учрашувда газ қувури ишга туширилишига қарши эканини маълум қилганди.
Жаҳонгир Қўзиев
