Текиндан келса бойлик...

 

Фирибгарлик билан 3 марта судланган 32 ёшли хавфли ретседивист бўлган судланувчи Жўра Бахтиёров 2018 йил июль ойида Наманган шаҳридаги дўконларнинг бирида мебель савдоси билан шуғулланувчи A.Азизовdan мебель харид қилиб, у билан яқиндан танишиб қолади. A.Азизов ва ўғлини Америка Қўшма Штатларига жўнатишини айтиб, ишончига киради. Уни алдаб, фирибгарлик йўли билан 6.000 АҚШ доллар пулларини олган. Сўнг пулларни ўзини шахсий эҳтиёжи учун ишлатиб юборган.

 

2020 йилнинг ноябрь ойида эса Б.Оқиловни алдаб, ўзига тегишли бўлган "Lacetti"си борлиги, уни 9.000 АҚШ долларига сотишини айтади.  Унинг олдиндан 1.600 АҚШ доллари, 1 миллион сўм пул ва 10 грамм тилла-тақинчоқларини олиб, унга машинасини бермай, жами 2 050 АҚШ доллари миқдоридаги мол-мулкларини фирибгарлик йўли билан қўлга киритган. Буларни ўзининг шахсий эҳтиёжлари учун ишлатиб юборган.

 

Суд томонларни тинглаб, жиноят иши ҳужжатларини ва судга тақдим этилган далилларни атрофлича ўрганиб чиқди. Жўра Бахтиёровни Жиноят кодексининг 168-моддаси 3-қисми "б" бандида назарда тутилган жиноятни содир этганликда айбли деб топиб, етказилган моддий зарарларни ундириш белгиланди.

 

Аввалроқ, Навоийда 2.000 доллар эвазига ўқишга киритиб қўйишни ваъда қилган ўқитувчи ушлангани ҳамда Faсebook'да Шавкат Мирзиёев номи билан сохта аккаунт очиб фирибгарлик қилган шахс аниқлангани  ҳақида хабар берилганди.

 

Муножат Валиева