Ўз жонига қасд қилишга мойил ўсмирларни аниқлаш йўли топилди
АҚШ олимлари ўсмирларда ўз жонига қасд қилиш ҳатти-ҳаракатларини башорат қилувчи қурилма яратди.
Унда айтилишича, америкалик тадқиқотчилар томонидан ишлаб чиқилган машина ўсмирлардаги ўз жонига қасд қилиш хатти-ҳаракатларини 91 фоиз аниқлик билан кўрсатган. Янги усул ҳақидаги мақола “PLOS ONE” журналида мутахассислар томонидан чоп этилди.
“Brigham Young” университети олимлари мазкур иш устида анча йиллардан бери тадқиқот олиб борган. Улар гиёҳванд моддаларни истеъмол қилиш ва руҳий саломатликни кузатиш мақсадида Юта штатидаги 179 000 дан ортиқ ўрта мактаб ўқувчилари ўртасида мунтазам равишда ўтказиладиган сўровлардан маълумотлар тўплашган. Маълумотлар 2011 йилдан 2017 йилгача бўлган даврларни ўз ичига олган.
Шундан сўнг олимлар ўзлари яратган машинага тўпланган маълумотларни киритишган. Натижада, синовдаги ўсмирнинг жавобларидан 91 фоиз аниқлик билан ўз жонига қасд қилиш ҳатти-ҳаракатини аниқлаган.
"Бу башоратчиларнинг фолларидан анча юқори, уларнинг башоратлари 80 фоизли аниқликни ҳам бермайди", – дейди Brigham Young университети олимлари.
Бундан ташқари, олимлар энг хатти-ҳаракатларни янада аниқ аниқлаши мумкин бўлган саволларни ҳам топа олишган. Хусусан, саволлар мазмунига ижтимоий тармоқлардаги тортишув, мактабдаги безорилик, уйдаги жанжал, жинсий алоқа, спиртли ичимликлар ва марихуана истеъмол қилиш каби майлларга оид фикрлар сингдирилган.
Аввалроқ салкам икки ҳафтадан сўнг ўзини каналга ташлаган қизнинг мурдаси топилгани ҳамда ўз жонига қасд қилишга мойил ва руҳиятида ўзгариш бўлган ўқувчи қизларнинг рўйхати шакллантирилиши ҳақида хабар берилганди.
Оламгир Абдиев
