Aniqlanishicha, Tuproqqalʼa tumani, “Yoshlik” mahallasi, 1/3-uy, 8-xonadonda yashagan, 2001 yilda tug‘ilgan Ernazarova Dilrabo joriy iylning 14 avgust kuni soat tahminan 15:30 larda shu tumandagi “Muhabbat” va “Sharlauq” mahallalari oralig‘idan oqib o‘tuvchi Toshsaqa chapqirg‘oq magistral kanalidagi temir ko‘prikdan o‘zini suvga tashlab, o‘z joniga qasd qilgan.
Qidiruv-qutqaruv tadbirlari davomida 27 avgust kuni soat 13:00 larda Toshsaqa chapqirg‘oq magistral kanalining Bog‘ot tumani “Qulon qorabog‘” mahallasi hududidan oqib o‘tgan 32 km.dan Dilraboning tan jarohatlarsiz, chirigan murdasi topildi.
Hozirda D.Ernazarovaning o‘z joniga qasd qilganligi holati yuzasidan Tuproqqalʼa tuman prokuraturasi tomonidan tergovga qadar tekshiruv olib borilmoqda. Tergovga qadar tekshiruv viloyat prokuraturasi tomonidan nazoratga olingan.
Eslatib o‘tamiz, avvalroq D.Ernazarovaning jasadi hamon qidirilayotgan hamda Katta Farg‘ona kanaliga tushib ketgan namanganlik 12 yoshli qiz qidirilayotgani haqida xabar berilgandi.
Bahriniso Madumarova tayyorladi.