Фирибгар сотувчилар ўз имкониятларини намойиш қилиш учун Адольф Гитлер номига тайёрланган сертификатларни эълон қилишди
Бундай сертификат нархи ўртача 300 евро.
Европада коронавирусга қарши эмланганлик ҳақидаги сохта ҳужжатларни тайёрлаш билан шуғулланувчи кўзбўямачилар ўз имкониятларининг намойиш қилиш учун Интернетда Адольф Гитлер, Микки Маус ва "Spongebob" номига тайёрланган сертификатларни эълон қилишди.
Хусусан, Гитлер номига расмийлаштирилган сертификатлардан бири ҳақиқий QR-кодга эга ва Франция ҳукумати томонидан имзоланган. У 1900 йилда туғилган фуқаро 25 октябрь куни COVID-19'га қарши вакцинанинг иккинчи дозасини олганини кўрсатади.
"Spongebob" ва Микки Маус каби мультфильм қаҳрамонлари учун тайёрланган қолган икки сертификат Польша ва Македония ҳукуматлари томонидан “берилган”.
Сертификатларни ҳақиқийсидан ажратиш қийин, улар текширувлардан ўтади ва нафақат Европа давлатлари ҳудудида эркин ҳаракатланиш имконини беради. Фирибгар сотувчилар шу йўл билан ўз маҳсулотлари ишончлилигини исботлашган.
"Frankfurter Allgemeine" нашри журналистлари фирибгарлардан бири билан боғланганда унга шу нарх айтилган.
Аввалроқ дунёда коронавирусга қарши етти миллиарддан ортиқ дозада вакцина қўлланилгани хабар қилинган эди.
Шарофат Маҳмудова
