Мен рейтингларга эътибор бериш учун президент бўлмаганман — Жозеф Байден

 

АҚШ президенти Жозеф Байден ўз рейтинги рекорд даражада тушиб кетганига изоҳ берди. Америка етакчиси бу ҳақда WKRC-TV телеканалига берган интервьюсида айтиб ўтган.

 

Бундан аввал USA Today ва Саффлок университети қўшма сўровномаларида Байден фаолиятини қўллаб-қувватлаш 37.8 фоизга тушиб кетганди. Президент бошловчининг бу ҳақдаги саволига жавоб берар экан, у бошқа ОАВ сўровномаларида 48 фоиз кўрсаткични кўрганини маълум қилди. "Тўғри тушунинг, мен жамоатчилик орасида ўтказиладиган сўровномалар учун президент бўлмаганман", — деган у. Шу билан бирга, Қўшма Штатлар раҳбари бу вазият Конгрессда ўз администрациясининг қарорлари кўриб чиқилганда ўзгариб туришини қайд этди.

 

Шунингдек, Байден сўровнома натижалари доимий равишда пасайиб ва ўсиб боришини таъкидлаган. Шу билан бирга у пандемия, энергетик инқироз ва ишсизлик кўплаб америкаликларни ташвишга солаётганини тан олган.

 

Аввалроқ Байден коронавирус бўйича глобал саммит чақирмоқчи эканлиги ҳақида хабар берилганди.

 

Жаҳонгир Қўзиев