Нигерияда содир бўлган ёнғин сабаб 25 бола ҳалок бўлди
Мактаб биноси сомондан қурилгани боис, тез аланга олишига сабаб бўлган.
Нигериянинг Маради вилоятида жойлашган мактабларнинг бирида кучли ёнғин содир бўлди. Оқибатда, 5 ёшдан 6 ёшгача бўлган 25 га яқин болалар ёниб кетди. Бир неча бола жароҳат олган. Бу ҳақда "Корреспондент.нет" хабар берди.
Таъкидланишича, сомондан қурилган учта синф хонаси буткул ёниб кетган. Ғиштдан қурилган мактабларда жой қолмагани сабаб иложсизликдан болалар ўқишни сомондан ясалган синфларда давом эттиришган. Қуруқ сомон тез аланга олгани сабаб болалар бинодан қочиб чиқишга улгуришмаган.
Гувоҳларнинг таъкидлашича, воқеада жароҳат олган болалар яқин атрофда бўлган автомобилларда шифохонага етказилган. Жабрланганларнинг аксарияти оғир аҳволда экани айтилмоқда. Мактабдаги барча дарслар бекор қилинган.
Ёнғин келиб чиқиш сабаблари ҳозирча маълум эмас. Суриштирув ишлари давом этмоқда.
Аввалроқ Руминияда коронавирусга чалинган беморлар даволанаётган шифохонада ёнғин содир бўлгани ҳамда Эрон бандаргоҳида бешта савдо кемаси ёниб кетгани ҳақида хабар берилганди.
Муножат Валиева
