Ҳокимлар орасида яна бир сўконғич пайдо бўлди
Бугун ижтимоий тармоқларда Андижон шаҳар ҳокими Баҳром Ҳайдаровга тегишли аудиоёзув тарқалди.
Унда ҳоким фуқарони куракда турмайдиган, уятсиз сўзлар билан ҳақорат қилган.
Мазкур ҳолатга аниқлик киритиш мақсадида Zamon.uz сайти ҳокимлик билан боғланди. Исмини ошкор этишини истамаган ходим аудиоёзувдаги овоз ҳақиқатдан ҳам Баҳром Ҳайдаровники эканини тасдиқлади.
Унинг қўшимча қилишича, айни пайтда шаҳар ҳокимлигида айнан шу масала юзасидан йиғилиш ўтказилмоқда.
Аввалроқ, Сирдарё вилояти “Халқ банки” АЖ бошлиғи Собир Таниқулов туман, шаҳар филиал раҳбарлари билан бўлиб ўтган йиғилишда ҳақоратли сўзлар ишлатган ва ходимларига тазйиқ ўтказгани ҳақида хабар бергандик.
