“Ўздонмаҳсулот” тугатилиши расман тасдиқланди
“Ўздонмаҳсулот” АК тизимидаги корхоналар тадбиркорлик субъектларига сотилгач, “Ўздонмаҳсулот” АКни маълум тартибда тугатиш тўғрисида Вазирлар Маҳкамасига таклиф киритади.
Президент “Ғалла етиштириш ва сотишда эркин рақобатни таъминлайдиган бозор тамойилларини жорий этиш тўғрисида”ги қарорни имзолади.
Иқтисодий тараққиёт ва камбағалликни қисқартириш вазирлиги, Молия вазирлиги ва Давлат активларини бошқариш агентлигининг:
2021 – 2022 йилларда “Ўздонмаҳсулот” АК тизимидаги дон корхоналарини ғаллачилик кластери ташкил этиш таклифини билдирган тадбиркорлик субъектларига сотиш учун баҳолаш ва фаолият йўналишини ўзгартирмаслик шартида очиқ савдоларга қўйиш;
“Ўздонмаҳсулот” АК тизимидаги дон корхоналарига тегишли 20 та уруғлик дон тайёрлаш цехлари қарздорлигини обеъктнинг баҳоланган қиймати ҳисобига тўлдириш белгиланган.
Мазкур корхоналарнинг солиқ ва Жамғарма олдидаги қарздорлигини, яъни, улар бўйича ҳисобланган пенялар, шунингдек, объектни ўтказиш натижасида юзага келадиган солиқларни ҳам инобатга олган ҳолда Уруғчиликни ривожлантириш марказига бериш ва тўлиқ модернизация қилиш тўғрисидаги таклифларига розилик берилди.
Унга кўра, қарздорлик мавжуд бўлмаган ҳолларда объектлар “Ўздонмаҳсулот” АКдаги давлат улуши ва “Ўздонмаҳсулот” АКнинг дон корхоналаридаги улушини тегишинча камайтириш ҳисобига берилиши режалаштирилган.
Эслатиб ўтамиз, аввалроқ “UzAuto Motors” “Chevrolet Lacetti”ларини нега дон омборларида сақланаётгани ҳамда Мева-сабзавотчилик кластерлари ҳам давлат томонидан қўллаб-қувватланиши ҳақида хабар берилганди.
Чўлпоной Аҳмедова
