Ўзбекистон 10 ойда қанча мева ва сабзавотлар экспорт қилган?

 

Хабарингиз бор, давлатимиз раҳбари мева-сабзавотчилик кластерлари ва кооперациялари учун ҳам қўшимча имкониятлар яратилишини айтганди. Бунда кластерларга айланма маблағ учун амалдаги 20-24 фоизли тижорат кредитлари ўрнига Жамғарма ҳисобидан 1 йил муддатга 10 фоиздан кредит ресурслари ажратилади. Келгуси йилда ушбу мақсадларга 2 триллион сўм йўналтирилади.

 

Давлат статистика қўмитаси дастлабки маълумотларига кўра, 2021 йилнинг январь-октябрь ойларида қиймати 747,4 миллион АҚШ долларига тенг бўлган 1,2 миллион тонна мева ва сабзавотлар экспорт қилинган. 

 

 

мева ва резаворлар – 267,2 минг тонна

 

қуритилган мева ва резаворлар – 45,4 минг тонна

 

сабзавотлар – 649,1 минг тонна 

 

қалампир – 13,9 минг тонна

 

узум – 169,6 минг тонна 

 

майиз – 34,1 минг тонна

 

ерёнғоқ – 17 минг тонна

 

тарвуз-қовун – 80,6 минг тонна.

 

Эслатиб ўтамиз, Ўзбекистон январь-сентябрь ойларида хорижга қанча миқдорда мева ва сабзавот экспорт қилгани маълум бўлганди. 

 

Аввалроқ ўрик экспорти ҳажми 6,5 баробарга камайгани, Фарғона вилоятидан 253,5 тонна малина хорижга, Ўзбекистон беш ойда 291,6 миллион долларлик мева ва сабзавотларни экспорт қилгани ҳамда юртимиздаги сабзавотларнинг 70 %дан ортиғи деҳқон хўжаликларида етиштирилгани ҳақида хабар берилганди.