"Чой-чақа"га етса бўлди(ми?)
Термизда қўшмачи аёл 20 минг сўм эвазига вояга етмаган қиз ва бегона эркакка уйидан "паноҳ" берди.
Термиз шаҳрида "А.Жомий" маҳалласида яшовчи С.Саломат таниши Термиз туманида яшовчи 18 ёшга тўлмаган K.Софиянинг С.Собир исмли йигит билан жинсий алоқа қилиши учун уйидан шароит яратиб берган. Бунинг учун аёл мижозлардан 20.000 (йигирма минг) сўмдан олган.
Мазкур ҳолат юзасидан қўшмачиликда айбланаётган С.Саломатга нисбатан Жиноят кодексининг 131-моддаси 4-қисми «а» банди вa С.Собировга нисбатан Жиноят кодексининг 128-моддаси 1-қисми билан жиноят иши қўзғатилган.
Аввалроқ Тошкентда 359 нафар аёл фоҳишалик билан шуғуллангани учун жавобгарликка тортилгани ҳамда Навоийда аёл ва эркакнинг зино қилишига шароит яратиб берган аёлга чора кўрилгани ҳақида хабар берилганди.
Муножат Валиева
