Ўзбекистон ташқи савдо айланмасининг умумий миқдори маълум бўлди

 

Бу ҳақда  Давлат Статистика қўмитаси хабар берди.

 

Унга кўра, 2021 йил январь-октабрь ойларида Ўзбекистон ташқи савдо айланмаси 32,65 миллиардини ташкил қилган. Шунингдек, ташқи савдо айланмаси умумий ҳажмидан экспорт 12,43 миллиардни, импорт эса 20,22 миллиард ни ташкил этди.

 

Бу кўрсаткичларни ўтган йилги рақамлар билан таққослаганда, экспорт ҳажми 2020 йил январь-октабр ойларига келиб 6,7 % га пасайган.Импортнинг ўсиш ҳажми эса 20,5 % га кўтарилган.

 

Натижада, ташқи савдо савдоси 7,78 миллиард  пассив балансни ташкил қилди.

 

Бундан ташқари, ташқи иқтисодий фаолиятда 20 та йирик ҳамкор давлатлар қаторида 4 та давлат: Афғонистон, Қирғизистон, Тожикистон ва Туркия билан фаол ташқи савдо олиб борилади.Алоҳида тарзда 16 та давлатда  ташқи савдо айланмасининг пассив баланси сақланиб қолган.

 

Маълумот учун: бугунги кунда Ўзбекистон дунёнинг 179 та  давлати билан савдо алоқаларини амалга оширмоқда.Ташқи савдо айланмасининг энг катта ҳажми Хитой  — 18,6%,  Россия —18,0%, Қозоғистон — 9,7% , Туркия — 8,3%, Корея Республикаси — 4,7%, Қирғизистон  — 2,4%  ва Германия — 1,9% мамлакатларига тўғри келади.

 

Эслатиб ўтамиз, аввалроқ Ўзбекистоннинг иқтисодий кўрстаткичи 10 фоизга ошгани ҳамда Ўзбекистоннинг 6 ойдаги ташқи савдоси 13,6 фоизга кўпайгани, давлат хизматлари сифатини баҳолайдиган янги портал ишга тушгани,  2021 йилнинг олти ойида янги ташкил этилган корхоналар 13 фоизга ўсгани ҳақида хабар берилганди.

 

 

Чўлпоной Аҳмедова