Давлат хизматлари сифатини баҳолайдиган янги портал ишга тушди

 

 

Фойдаланувчилар энди “BAHO.GOV.UZ” сайтида давлат хизматига берган баҳосини қолдириши мумкин.

 

 Текширув таркибига Иқтисодий тадқиқотлар ва ислоҳотлар маркази, Ахборот технологиялари ва коммуникацияларини ривожлантириш вазирлиги, Адлия вазирлиги, “Электрон ҳукумат лойиҳаларини бошқариш маркази” давлат муассасаси, UZINFOCOM, ИИВ, Соғлиқни сақлаш вазирлиги, “Ҳудудий электр тармоқлари” АЖ,  Халқ таълими вазирлиги, Мактабгача таълим вазирлиги вакиллари киритилган.

 

Ўрганилган хорижий тажрибадан келиб чиқиб, давлат хизматларидан фуқароларнинг қониқиш даражасини ўлчайдиган – “BAHO.GOV.UZ” портали концепцияси ишлаб чиқилди ва ишга туширилди.

 

Фуқаролар 5 та:

 

•  мурожаатни кўришда муддатларга амал қилиш;

•  хизмат кўрсатиш малакаси;

•  одоб қоидаларига риоя қилиш;

•  адолатли ёндашув;

•  мурожаат қилиш учун шароитлар мавжудлиги бўйича махсус QR-код ёрдамида ушбу портал орқали давлат хизматлари тўғрисида (1-5 гача тизимда) ўз фикр-мулоҳазаларини қолдириши мумкин.

 

Шунингдек, экспертлар фуқаролар томонидан қўйилган салбий баҳолар тегишли давлат органлари раҳбарларига мавжуд ҳолатни чуқур ўрганиб, таҳлил қилиш ва тегишли чоралар кўриш учун жиддий сигнал бўлишига ишонмоқда.

 

Эслатиб ўтамиз, бундан аввал  Ўзбекистонда бюджет ташкилоти ходимларининг иш ҳақларини онлайн кузатиб бориши мумкинлиги ва “Yoshsaylovchi.uz”  электрон платформаси ишга тушгани ҳақида хабар берилганди.

 

 

Чўлпоной Аҳмедова