Польша-Белорусь чегарасидаги муҳожирлар биринчи марта қорни кўришди
Болалар қорда ўйнашмоқда, ота-оналар эсдалик учун суратга тушиб, қорни татиб кўришган.
Полmша ва Беларусь чегарасидаги Брузги назорат-ўтказиш пунктида биринчи қор ёғди. Бу ердаги кўплаб муҳожирлар қорни илк бор кўришди. Бу ҳақда РИА Новости хабар берди.
Чегарадан олинган видео ижтимоий тармоқларда пайдо бўлган. Кадрларда болаларнинг қорда ўйнаши, уларнинг ота-оналари эса эсдалик учун суратга тушаётгани ва қорни татиб кўришлари тасвирланган.
Эслатиб ўтамиз, Европа Иттифоқи Беларус билан муҳожирларни ватанига қайтариш бўйича музокараларни бошлаган эди.
Жосеп Боррел сўнгги етти кун ичида Беларус ташқи ишлар вазири Уладзимир Макей билан икки марта музокара ўтказди. Шунингдек, Германия Беларусдан келган муҳожирларни қабул қилишдан бош тортди. Александр Лукашенко Германияга гуманитар йўлак яратишни таклиф қилди, аммо Берлин бу ғояни номақбул деб атаган.
Аввалроқ Жаҳон соғлиқни сақлаш ташкилоти Беларусь-Польша чегарасидаги Брузги логистика марказига ноқонуний муҳожирлар учун гуманитар ёрдамнинг биринчи партиясини етказгани ҳақида хабар берган эдик.
Насиба Тўхтаева
