Tалабаларни қўллаб-қувватлаган ҳокимликлар рейтинги эълон қилинди

 

Иқтисодий тарафлама муаммоларга дуч келаётган, боқувчисини йўқотган, ота-онасида ногиронлиги бўлган, меҳрибонлик уйлари битирувчиси бўлган, ёш оила бўлган, “ижтимоий ҳимоя” ягона реэстрига киритилган оила фарзандлари каби тоифаларга мансуб талаба-ёшларга ёрдам қўлини узатиш учун уларни тўлов-контрактини тўлаб бер мақсадида  Ёшлар ишлари агентлиги вилоят ҳокимликлари билан ҳамкорликда “Талабага мадад” лойиҳасини эълон қилди. 

 

Лойиҳага кўра эндиликда  18 ёшдан 30 ёшгача бўлган, олий таълим муассасаларининг бакалавриат босқичи кундузги, сиртқи, кечки ва махсус-сиртқи таълим шаклида ҳамда магистратура босқичида таҳсил оладиган талаба-ёшларнинг тўлов-контракти миқдорининг 50 фоизгача миқдори тўлаб берилади.

 

Мазкур лойиҳа орқали айни дамда бир қанча вилоят хокимликлари ёш талабаларга ёрдам қўлини узатмоқда. Бу борада талаба-ёшларнинг контрактини тўлаб, уларни қўллаб-қувватлаш бўйича энг фаол ҳокимликлар рейтинги ҳам шакллантирилиб эълон қилинди.

 

Талаба-ёшларни қўллаб-қувватлашга қаратилган мазкур тизимни тушуниб, ёшлар билан ишлашга ҳаракат қилиб, уларнинг муаммоларини тинглагани, талабаларга илм олишида кўмак бергани учун ушбу ҳокимликларга лойиҳа ташкилотчилари томонидан миннатдорчилик билдирилди.

 

Аввалроқ, Тавсиянома асосида 2 минг 30 нафар хотин-қиз давлат гранти асосида талабаликка қабул қилингани ҳамда тўлов-контракт асосида ўқиш учун таълим кредитларини ажратиш тартиби белгилангани ҳақида хабар берилганди.

 

Муножат Валиева