Фарғонада аҳоли эҳтиёжи учун юқори бўлган маҳсулот ғойиб бўлди
С.М. исмли аёл ИИБга ўзига тегишли бўлган шифохонада содир бўлган ўғирлик юзасидан мурожаат қилган.
Аёлнинг айтишича 17 ноябрь кунидан 19 ноябрь кунигача бўлган вақт оралиғида шифохонадан жами нархи 12.500.000 сўмга тенг бўлган кислород баллонлари йўқолган.
Мазкур ҳолат юзасидан Фарғона шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 2-қисми "г" банди (ўғирлик) билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни Ш.Қ. содир этгани аниқланиб, процессуал тартибда ушланган. Ҳозирда тергов ҳаракатлари олиб борилмоқда.
Аввалроқ, Тошкентда банкоматни бузиб, ичидан 165 миллион сўм ўғирлаган шахс ушлангани ҳамда Тошкентда шиналар ўрнига ғишт қўйиб кетаётган ўғирилар қўлга тушгани ҳақида хабар берилганди.
Муножат Валиева
