Ўз уйини гиёҳвандлик маконига айлантирган фуқаро ушланди

 

Ғузор туман ИИБга "Афғонбоғ" МФЙда яшовчи фуқаро Э.Ф. ўз уйида гиёҳвандлик моддаси сақлаётган ҳақида хабар келиб тушди. ТИИБ ЖҚБ ва вилоят ИИБ тезкор ходимлари томонидан ушбу хонадон холислар иштирокида кўздан кечирилди. Текширув давомида уйнинг ертўласида яшил рангли қуритилган баргсиз кўплаб поялар мавжудлиги, хона шифтига ўзига хос ҳидли ўсимлик шохлари осилган ҳолатда қуритиб қўйилгани, хонанинг таг қисмига эса қуриган барглар ва уруғлар, ҳамда 3 дона целлофан пакетда майдаланган ўзига хос ҳидли моддалар мавжудлиги аниқланди. Топилган маҳсулотлар тегишли тартибда ҳужжатлаштирилди.

 

Бундан ташқари, хонадон эгаси Э.Ф. ўзининг яшаш уйидаги фойдаланилмай турган хонани ҳам ушбу ўсимликлар қуритилиши учун жой қилиб қўйгани, майда баргли моддаларни 12 та жойга алоҳида-алоҳида тўплаб, қуритиб, кейинчалик сотиш мақсадида сақлаб келаётганлиги аниқланди. 2 дона электрон тарози ҳам тегишли тартибда ҳужжатлаштириб олинди.

 

Экспертиза хулосасига кўра Э.Ф.нинг уйи ертўласидан ҳужжатлаштириб олинган қуритилган ўсимликлар таркибида фаол тетрагидроканнабинол мавжудлиги, ушбу модда "марихуана" гиёҳвандлик воситаси эканлиги аниқланди. Ўлчанганда унинг жами соф оғирлиги 10867,2 граммга тенг эканлиги маълум бўлди. Фойдаланилмай турган хонанинг пол қисмидан олинган қуруқ ҳолатдаги ўсимликлар таркибида эса гиёҳванд модда тетрагидроканнабинол мавжуд бўлган "каннабис"  ўсимлиги барглари эканлиги, соф оғирлиги 16582,8 граммга тенглиги кўрсатилган. Мазкур ҳолат юзасидан ТИИБ ТБ томонидан Э.Ф.га нисбатан Ўзбекистон Республикаси Жиноят жиноят иши қўзғатилган.

 

Аввалроқ, Фарғонада олма боғида каннабис етиштирган фуқаро аниқлангани ҳамда Тошкент вилоятидаги хонадондан катта миқдорда гиёҳвандлик воситалари топилгани ҳақида хабар берилганди.

 

Муножат Валиева