Қирғизистонда ўтган парламент сайловида МСК сайтига киберҳужум уюштирилди
Шу сабабли мағлуб бўлган партиялар сайлов натижаларини тан олишмаяпти.
Қирғизистон Марказий сайлов комиссиясига парламент сайловлари куни ҳакерлар ҳужуми уюштирилди. Бу ҳақда душанба куни Бишкекдаги брифингда республика Хавфсизлик кенгаши котиби Марат Имонқулов маълум қилди.
"МСКга хакерлик ҳужумлари хориждан амалга оширилган. Тахминларга кўра бир вақтнинг ўзида 20 та давлатдан Ҳужум пайтида. Марказий сайлов комиссияси серверларига зарар етмаган", — деди Марат Имонқулов.
Шунингдек, у мамлакат ҳукумати овоз бериш натижаларини сохталаштирилишига йўл қўймаслигини ва ҳар бир бюллетень текширилишини маълум қилди.
Қирғизистон парламентига сайловлар 28 ноябрь куни аралаш тизим бўйича бўлиб ўтди. Якшанба куни республика Марказий сайлов комиссияси сайти электрон сайлов қутиларидан келаётган маълумотларни қайта ишлаш жараёнида тизимда носозликлар юзага келди. Натижада, саҳифани бироз вақт давомида кўришми имкони бўлмай қолди. Ишни қайта бошлагандан сўнг, унда олдинги версиядан фарқ қиладиган маълумотлар пайдо бўлди.
Марказий сайлов комиссияси раҳбари Нуржан Шилдабекованинг тушунтиришича, сайтдаги муаммолар дастурий таъминотдаги хатолар билан боғлиқ бўлиб, улар бартараф этилган. Аммо бу сайловда мағлуб бўлган беш партия вакилларининг овоз бериш натижаларини тан олишдан бош тортганликларини эълон қилишларига сабаб бўлди.
2020 йил кузида бўлиб ўтган парламент сайловлари кўплаб сайлов қонунчилиги бузилганлиги сабабли МСК томонидан ҳақиқий эмас деб топилган эди. Уларнинг натижаларини сарҳисоб қилиш оммавий намойишлар ва мамлакатда президент ва ҳукуматнинг ўзгариши билан якунланди.
Аввалроқ Швецияда янги тайинланган бош вазир бир неча соатдан кейин истеъфо бергани хабар қилинган эди.
Ҳиндистонда эса марҳум сиёсатчи сайловда ғалаба қозонган.
Насиба Тўхтаева
