Валютафурушлар учун жазо юмшатилди
Ўзгаришлар 1 декабрдан бошлаб амал қилади.
Бу ҳақда Маъмурий жавобгарлик тўғрисидаги кодексга тегишли ўзгартиш киритиш бўйича қонун 30 нобярь куни президент Шавкат Мирзиёев томонидан имзоланди.
Янги таҳрирдаги 170-моддага кўра, валюта бойликларини қонунга хилоф равишда олиш ёки ўтказиш валюта бойликлари мусодара қилинган ҳолда 15 суткагача маъмурий қамоқ жазосига сабаб бўлиши мумкинлиги қайд этиб ўтилган. Аввалги моддада тўлиқ 15 сутка эди.
Маъмурий қамоқ қўлланилиши мумкин бўлмаган шахсларга базавий ҳисоблаш миқдорининг 10 бараваридан 20 бараваригача (олдин 20 БҲМ) жарима қўлланилади. Ушбу қонун 18 октябрда Қонунчилик палатаси томонидан қабул қилинган, 19 ноябрда эса Сенат томонидан маъқулланган.
Аввалроқ, Давлат бюджети тўғрисидаги қонунга ўзгартиш киритилгани ҳамда интеллектуал мулк соҳасида айрим қонунчилик ҳужжатларига ўзгартиш ва қўшимчалар киритилгани ҳақида хабар берилганди.
Муножат Валиева
