АҚШдаги мактабда содир этилган отишма террорчилик ҳаракати сифати деб баҳоланмоқда
Отишмани содир этган ўсмир умрбод қамоқ жазосига ҳукм қилиниши мумкин.
Американинг Мичиган штати Оксфорд шаҳридаги мактабда содир этилган отишма қурбонлари сони 4 нафарга етди. Отишмани содир этган ўсмир террорчиликда айбланганмоқда. Бу ҳақда АР агентлиги маълум қилди.
Хабар қилинишича, фожиа куни ҳалок бўлган уч кишидан ташқари яна бир талаба, 17 ёшли Жастин Шиллинг олган жароҳатлари туфайли шифохонада вафот этган.
Ўша куни қирғинни уюштирган 15 ёшли Итан Кеамбли биринчи марта судга тортилди. У терроризм, тўртта модда бўйича биринчи даражали қотиллик ва еттита модда бўйича қуролли ҳужумда айбланган.
Прокурорнинг сўзларига кўра, терговда Крамблининг айбига оид кўплаб видео ва фотосуратлар мавжуд бўлиб, у умрбод қамоқ жазосига ҳукм қилиниши мумкин.
Эслатиб ўтамиз, сентябрь ойида Виржиния штатида номаълум шахс ўрта мактабда ўт очган эди. Икки нафар 17 ёшли йигит яраланиб, касалхонага ётқизилган. Шунингдек, Перм университетида ҳам отишма содир этилган эди, оқибатда 43 киши яраланган, 8 киши ҳалок бўлган.
Насиба Тўхтаева
