“Ташқи меҳнат миграцияси тўғрисида”ги қонун лойиҳаси тасдиқланди
Эндиликда меҳнат мигрантларининг даромадлари икки томонлама солиққа тортилмайди.
Қонун лойиҳасининг мақсади:
— ташқи меҳнат миграцияси соҳасидаги муносабатларни қонун даражасида мустаҳкамлаш;
— халқаро ҳужжатлардаги қоидаларнинг хусусан, мажбурий меҳнатга, мигрантларнинг соғлиғига зиён етказувчи шароитларда ишлаш учун жалб этишга йўл қўймаслик каби қоидаларни миллий қонунга имплементация қилиш;
— ташқи меҳнат миграцияси соҳасидаги давлат органлари ва нодавлат нотижорат ташкилотларининг ваколатларини белгилаш;
— фуқароларнинг мамлакат ташқарисидаги фаолиятини ташкил этиш, уларни уюшган ҳолда ишга жойлаштириш ҳамда чет эллик фуқароларни Ўзбекистонда меҳнат қилиш учун жалб этишнинг ҳуқуқий механизмларини белгилаш.
Маълумот учун: 2019-йилда Ташқи меҳнат миграциясининг ҳуқуқий асосларини такомиллаштириш мақсадида "Ташқи меҳнат миграцияси тўғрисида"ги қонунни қабул қилиш таклифини билдирилганди.
Эслатиб ўтамиз, аввалроқ давлат функция-ваколатларини хусусий секторга ўтказиш тартиби белгиланганлиги ҳамда ўз-ўзини тартибга солувчи ташкилотлар фаолияти қонунийлаштирилиши ҳақида хабар берилганди.
Чўлпоной Аҳмедова
