Ўзбекистонда Жаҳон мероси рўйхатига киритилган шаҳарлар электирлаштирилади

 

Осиё тараққиёт банки (ОТБ) Ўзбекистон ғарбидаги йирик шаҳар марказларини боғловчи 465 километрлик темир йўл линиясини электрлаштириш, темир йўл хизматларини яхшилаш ҳамда минтақада савдо ва туризмни ривожлантириш учун 162 миллион долларлик кредит ажратишни маъқуллади.

 

Лойиҳа Бухоро, Мискин, Урганч ва Хоразм вилоятидаги ЮНEСКОнинг Жаҳон мероси рўйхатига киритилган Хива шаҳарларини боғловчи йўлни электрлаштиради.

 

Қайд этилишича, соатига 250 километр тезликда ҳаракатланувчи тезюрар поездларнинг ҳаракатланиши, Бухоро ва Хива ўртасидаги қатнов вақтини 2 соатгача қисқартириш, пойтахт Тошкентдан Хивага 7 соатда етиб бориш имконини беради.

 

ОТБнинг Марказий ва Ғарбий Осиё бўйича Бош директори Евгений Жуковнинг бу дастурга қуйидагича фикр билдирган:

 

“Денгизга чиқиш имконияти бўлмаган Ўзбекистон учун бу яхши имконият. ОТБ лойиҳаси Хоразм вилоятини Ўзбекистоннинг қолган қисми билан боғлайдиган иқтисодий йўлак яратишга, COVID-2019 пандемияси шароитида туризмни тиклашга ёрдам беради ва мамлакатни минтақавий транзит маркази сифатида янада мустаҳкамлайди”

 

“Бухоро-Хива” линияси электрлаштирилгач, йиллик йўловчи ташиш ҳажми жорий йилда 280 минг йўловчидан 2026 йилга келиб 1 миллион йўловчидан кўпроққа ошиши кутилмоқда.

 

2026 йилга бориб юк ташиш ҳажми йилига жами 11,8 миллион тоннага етиши кутиляпти.

 

Давлат Осиё инфратузилма инвестициялари банкидан 108 миллион доллар миқдорида кредит сўраган. Буни банк бошқарув кенгаши маъқуллаган.

 

Бундан ташқари, ОТБ темир йўл операциялари ва бошқаруви бўйича танланган аёлларни ўқитиш каби асосий гендер тадбирларини қўллаб-қувватлаш учун 300 000 АҚШ доллари миқдоридаги техник ёрдам грантини тақдим қилади.

 

Эслатиб ўтамиз, аввалроқ "Давлат қарзи тўғрисида"ги қонун лойиҳаси Олий Мажлисга киритилгани ҳамда Осиё тараққиёт банки Ўзбекистонга кичик ва ўрта бизнесни ривожлантириш учун қарз ажратиши ҳақида хабар берилганди.

 

 

Чўлпоной Аҳмедовa