Осиё тараққиёт банки Ўзбекистонга кичик ва ўрта бизнесни ривожлантириш учун қарз ажратади

 

Бу ҳақда мазкур банк Матбуот хизмати хабар берди. 

 

Давлат идораларига дастур доирасидаги ислоҳотларни амалга ошириш учун 250 минг техник ёрдам тақдим қилади.

 

Осиё тараққиёт банки Ўзбекистонга мамлакатдаги кичик ва ўрта бизнес учун қулай муҳитни яхшилаш бўйича ислоҳотларни амалга оширишда 100 миллион долларлик сиёсатга асосланган кредитни маъқуллади.

 

Кредит ОТБнинг кичик ва ўрта корхоналарни ривожлантириш дастурининг биринчи кичик дастурини молиялаштиради. Шунингдек, банкнинг ушбу лойиҳаси  2 та кичик дастурни ўз ичига олади.

 

Жумладан, биринчи кичик дастурда кредит ресурслари чекланган субъектлар фаолиятини кенгайтиришга ёрдам бериш учун мавжуд молиявий воситаларни диверсификация қилишни ва улар олиши керак бўлган рухсатномалар ва лицензиялар сонини қисқартиришни режа қилган.

Масалан, савдо операциялари харажатларини камайтириш ва рақамлаштиришни ошириш 13 500 га яқин иш ўринларини яратишга ёрдам бериши кўзда тутилган.

 

ОТБ Марказий ва Ғарбий Осиё бўйича бош директори Евгений Жуков мазкур сармоя бўйича шундай дейди:

 

“Ўзбекистон бозор иқтисодиётига ўтиш жараёнини жадаллаштиришда давом этмоқда ва кичик ва ўрта корхоналар мамлакатда иқтисодий ўсиш ва иш ўринларини таъминлашга салмоқли ҳисса қўшмоқда”.

 

Мамлакатда кичик ва ўрта корхоналар ялпи ички маҳсулотнинг ярмидан кўпроғини ташкил қилади. Ваҳоланки бу  расмий ва норасмий иш ўринларининг учдан икки қисмини таъминлаб беради. Берилган қарз кичик ва ўрта бизнес учун рақамли ечимларни жорий этиш орқали  яна 250 минг доллари миқдоридаги техник ёрдам грантини қўлга киритиш имконини ҳам яратади.

 

Эслатиб ўтамиз, аввалроқ  Ўзбекистон энергетика тизими учун 81,6 миллион доллар ажратилиши ҳамда Ўзбекистон электр энергетика соҳаси учун ЙТТБдан 81,6 миллион евро қарз олаётгани ҳақида хабар берилганди.

 

 

Чўлпоной Аҳмедова