Сеулда Алишер Навоий бюсти ўрнатилди
Бюстнинг мармар устунига инглиз тилида “Alisher Navoi” деб ўйиб ёзилган.
Бугун, 16 декабрь куни ушбу ёдгорликнинг очилиш маросими ўтказилди. Маросимда Корея Халқ Республикасининг жамоатчилик вакиллари ва Олий Мажлис депутатлари иштирок этишган.
Маълумот учун, бюст жорий йилнинг 5 декабрида Сеулнинг “Seocho-dong 1498-4” кўчасида қад ростлаган.
Мармар устунга туркий тил асосчиси, Алишер Навоий бобоколонимизга “Ўзбекистоннинг буюк қаҳрамони, туркий тилли адабиёт даҳоси” - дея корейс тилида таъриф берилган.
Эслатма. 2022 йилда Тошкент шаҳрида жойлашган “Сеул боғи”да корейс алифбоси асосчиси қирол Сежонг ҳайкалини барпо этиш режалаштирилмоқда.
Аввалроқ Кореяда Алишер Навоийнинг, Тошкентда қирол Сежоннинг ҳайкали ўрнатилиши ҳақида хабар берилганди.
Оламгир Абдиев
