Бухорода тупроқ босиши оқибатида ҳалок бўлганларнинг иши меҳнат фаолияти билан боғлиқ эканлиги аниқланди
Меҳнат вазирлиги ҳолат бўйича ўрганиш олиб бориб, қўшимча маълумот берди.
11 ноябрь куни Бухорода "61-Автокорхона”нинг икки нафар ишчисини тупроқ ва қум босиб қолгани ҳақида хабар берган эди.
Меҳнат вазирлиги ҳолат бўйича ўрганиш олиб бориб, қўшимча маълумот берди. Унга кўра 2021 йил 16 ноябрь куни соат 15:30лар атрофида Бухоро вилояти Когон шаҳар Дўстлик кўчасида “61-сонли Автокорхона” МЧЖ томонидан канализация қувури қазиш ишлари олиб борилаётганда ковланган ўранинг атрофидаги тупроқ ўпирилиб тушиши натижасида ўранинг ичида ишлаётган фуқаролар Амиров Намозбек Хусан ўғли ва Саидқулов Сардор Валижон ўғли тупроқ остида қолиб вафот этган.
Бахтсиз ҳодисанинг асосий сабаблар маълум қилинди. Жумладан, “61-Автокорхона” МЧЖ иш берувчиси томонидан ишларни хавфсиз олиб боришлари юзасидан меҳнатни муҳофаза қилиш бўйича белгиланган тартибда йўл-йўриқлар олмаган Н.Амиров ва С.Яхёхоновларни Когон шаҳар “Дўстлик” МФЙ Дўстлик кўчасида жойлашган диаметри 1000 мм ли пластмасса канализация қувурларини реконструкция қилиш ишларига жалб этилган.
Канализация қувурларини реконструкция қилиш ишларини амалга ошириш учун қазилган ўра (бўйи 5,0-5,5 метр, эни 5-6 метр атрофида) деворининг қулаб тушмаслигини олдини олиш учун келтириб қўйилган катталиги 2,6 Х 4,6 ҳажмдаги 2 та темир панжараларнинг ўрнатиб қўйилмаган.
Вазият сабабларини бартараф этиш чора-тадбирлари белгиланиб, мазкур бахтсиз ҳодиса меҳнат фаолияти билан боғлиқ деб топилиб, Н-1 шаклидаги далолатнома билан расмийлаштирилди ва корхона томонидан “61-Автокорхона” МЧЖ ҳисобга олинган.
Ҳодиса юзасидан расмийлаштирилган ҳужжатлар тўплами ҳуқуқни муҳофаза қилиш органларига тақдим этилди.
Муножат Валиева
