Бу ҳақда Фавқулодда вазиятлар вазирлиги хабар берди.
Унда келтирилишича, Бухоро вилояти Когон шаҳар “Дўстлик” МФЙ Дўстлик кўчасида бугун, 16 ноябрь куни соат 14:50 да “61-Автокорхона” МЧЖ томонидан оқава сув қувурларини ётқизиш мақсадида, ер 5-6 метр чуқурликда, эни 3 метр оралиғида ковланган ҳолда, 1000 мм.ли сув қувурлари ётқизилаётган вақтда чуқурнинг чап томони ўпирилиб тушади. Оқибатда, корхонанинг икки нафар ишчисини тупроқ ва қум босиб қолган.
Вилоят Фавқулодда вазиятлар бошқармаси қутқарувчилари томонидан воқеа жойида олиб борилган тезкор қидирув ишлари натижасида икки нафар фуқаронинг жасади тупроқ остидан олиб чиқилди.
Воқеа жойига ФВБ, ИИБ, ССБ ва Прокуратура раҳбарияти ва тезкор-тергов гуруҳи чиққан.
Мазкур ҳодиса юзасидан дастлабки терговолди суриштирув ишлари олиб борилмоқда.