Россияда 12 ёшли ўсмир отасининг гапи билан шифокорни пичоқлади
Ҳозирда боланинг ақли расолиги бўйича текширувлар ўтказилмоқда.
Дастлабки маълумотларга кўра, ота ўз ўғлини юқори ҳарорат билан шифокор кўригига олиб келган. Шифокор отанинг қўлига топшириш керак бўлган бир неча таҳлиллар рўйхатини тутқазиб, топшириш кераклигини айтган. Отанинг жаҳли чиқиб, ўз норозилигини шифокорга билдирган. Аммо шифокор унга таҳлиллар кераклигини талаб қилишда давом этган. Шунда ота ўғлининг қўлига пичоқ бериб, шифокорга санчишни буюрган. Итоаткор ўғил отанинг буйруғига бўйсуниб, шифокорнинг дуч келган жойига пичоқ санчган. Шифокорнинг овозидан ўз вақтида шифохонанинг қўриқлаш бўлимига етиб келган ва боланинг қўлидан пичоқни тортиб олган.
Шифокор 3 та пичоқ санчиғидан юзага келган бел ва қорин жароҳатлари билан касалхонага ётқизилган.
Суриштирув давомида боланинг отаси аввал судланган экани аниқланган. Унга нисбатан қотилликка уриниш бўйича иш қўзғатилган. Ҳозирда терговга қадар суриштирув ҳарактлари олиб борилмоқда.
Аввалроқ Москвада 18 ёшли қиз бобосини ҳамда вояга етмаган шахс уч тенгдошини пичоқлагани ҳақида хабар берилганди.
Муножат Валиева
