Навоийда 4 эгизак дунёга келди
Уларга Мадина, Муслима, Юнус ва Юлдуз исмлари қўйилди.
23 декабрь куни Навоий шаҳрида бирйўла 4 нафар эгизак: 3 қиз ва 1 ўғил туғилди.
Маълум қилинишича, чақалоқларнинг ота-онаси Шомурод Фармонов ва Раҳима Абдураҳмонова Кармана туманининг Талқоқ маҳалласида истиқомат қилишади. Улар 2020 йилда турмуш қуришган.
“Скрининг текширув пайтида чақалоқлар 4 нафар экани маълум бўлганди. Уларнинг 2 нафари қиз ва 1 нафари ўғил эканини ўшандаёқ аниқ айтишганди шифокорлар. Албатта, қувончимнинг чеки йўқ”, – дейди чақалоқларнинг отаси Шомурод Фармонов.
Маълум бўлишича, биринчи бола 1 570 грамм, иккинчи бола 1 460 грамм, учинчи бола 910 грамм, тўртинчи бола эса 1 280 граммни ташкил этган.
ДХА Навоий вилояти бошқармасининг ташаббуси билан сайёр тартибда хизмат кўрсатилиб, чақалоқларнинг яқинларига туғуруқхонанинг ўзида туғилганлик гувоҳномалари, банк ходимлари томонидан суюнчи пули топширилган.
Айни пайтда она ҳам, чақалоқлар ҳам шифокорлар назоратида.
Aввалроқ Қашқадарёда туғилган 3 эгизакка Зироат, Саида ва Шаҳноза исмлари қўйилгани хабар қилинганди.
