НАТО-Россия кенгашида қайси масалалар муҳокама қилинади?
Ташкилот бош котиб бу ҳақда маълумот берди.
НАТО бош котиби Йенс Столтенберг Россия билан бўлажак музокараларда қайси масалалар муҳокама қилинишини маълум қилди. Бу ҳақда у Twitter саҳифасида хабар берган.
“Европадаги хавфсизлик, айниқса, Украина ва унинг атрофидаги вазият, ҳарбий фаоллик, ўзаро очиқлик ва хавфни камайтириш масалаларини муҳокама қилиш мақсадида 12 январь куни НАТО-Россия кенгашини чақирдим”, –деган Столтенберг.
Маълумот ўрнида: 12 январь куни Брюсселда Россия-НАТО кенгаши бўлиб ўтади. Унда Европада хавфсизлик, НАТОнинг Шарққа қараб силжишини тўхтатиш ва Россия чегаралари яқинида ракета ҳамда бошқа тизимларни жойлаштирмаслик масалалари кўтарилади.
Аввалроқ Жозеф Байден Владимир Зеленский билан Россия-Украина чегарасидаги вазиятни муҳокама қилганди.
Жаҳонгир Қўзиев
