Миробод туманида 5 та автомобиль иштирокида ЙТҲ содир бўлди
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
Жорий йилнинг 5 январь куни соат 20:30 ларда, Тошкент шаҳар Миробод тумани Фарғона йўли кўчасида "AUDI", "Ваз-2106", иккита "Matiz" ва "Damas" русумли автомобиллар иштирокида тўқнашув содир бўлган.
Натижада, "Ваз-2106" русумли автомобиль ҳайдовчиси О.Б. ҳамда "AUDI" русумли автомобилда бўлган йўловчи, 1998 йилда туғилган С.У.га тез тиббий ёрдам кўрсатилган.
Аввалроқ, Тошкентда ҳайдовчининг ухлаб қолиши оқибатида 3 та машинага шикаст етказилгани ҳамда "Matiz" ҳайдовчиси 3 нафар пиёдани уриб юборгани хақида хабар берилганди.
Муножат Валиева
