Бензин нархи арзонлашмадими?
“O‘zbekneftgaz” ижтимоий тармоқларда тарқалган хабарлар юзасидан расмий баёнот берди.
Ижтимоий тармоқларда автобензин нархи арзонлашганига оид хабарлар тарқатилди ва бу ҳолат интернет фойдаланувчилари ва истеъмолчилар ўртасида кенг муҳокамаларга сабаб бўлди. Мазкур хабар бўйича “O‘zbekneftgaz” матбуот хизмати расмий муносабат билдириб, тарқатилган хабарлар асоссиз эканини маълум қилди.
Қайд этилишича, автобензин тақчиллиги олдини олиш, истеъмолчилар талаб ва таклифларига биноан нархларнинг арзонлаштирилиши босқичма-босқич амалга оширилади. Бу борада “O‘zbekneftgaz” АЖ, Монополияга қарши курашиш қўмитаси ва “Товар хомашё биржаси” АЖ ҳамкорлигида чора-тадбирлар бажарилмоқда.
“Бугунги кунда “O‘zbekneftgaz”га қарашли “UNG Petro” корхонаси АЁҚШларида бензин 6500 сўмдан сотиб келинмоқда. Республика ҳудудидаги “O‘zbekneftgaz”нинг барча АЁҚШларда бензин шу белгиланган нархда сотилиши таъминмоқда”, – дейилади хабарда.
Аввалроқ АИ-80 маркали бензин нархи 9,5 фоизга арзонлашгани ҳақида хабар берилганди.
Жавоҳирбек Турсунов
